ឆាក្តៅសាច់មាន់​

♥ គ្រឿងផ្សំ៖

1.         ភ្លៅមាន់ 300​ ក្រាម​ (កាត់ជាដុំៗ)
2.          គល់ស្លឹកគ្រៃ២គល់
3.          ស្លឹកក្រូចសើច ៤សន្លឹក
4.          ដើមខ្ទឹម ៣ដើម
5.          ម្រះព្រៅមួយបាច់
6.          ម្ទេស 4ផ្លែ​ (ហាន់)
7.          សណ្តែកដីលីងមួយក្តាប់
8.          ខ្ទឹមស 5 កំពិស (ចិញ្រាំអោយល្អិត)
9.          ស្ករកន្លះស្លាបព្រាបាយ
10.          ទឹកត្រីកន្លះស្លាបព្រាបាយ
11.          ប្រេងខ្យងមួយស្លាបព្រាកាហ្វេ
12.          ទឹកស៊ីអ៊ីវមួយស្លាបព្រាកាហ្វេ
13.          ប្រេងឆា 2 ស្លាបព្រាបាយ

♥ វិធីធ្វើ៖

1) សាច់មាន់ដែលកាត់ដុំៗរួចហើយដាក់ប្រឡាក់គ្រឿង ម្សៅស៊ុបរួចដាក់បំពងអោយស្រពាប់បន្តិចរួចដួសដាក់ចាន។

2) គល់ស្លឹកគ្រៃ ម្ទេស ហាន់បញ្ឆិត ស្លឹកក្រូចសើចហាន់អោយល្អិត ដើមខ្ទឹម​ ហាន់កង់ៗខ្លីល្មម បេះយកស្លឹកម្រះព្រៅ ។

3)​ ដាក់ខ្ទះអោយក្តៅ ចាក់ប្រេងឆាចូល ដាក់ខ្ទឹមចិញ្ច្រាំបំពង ដាក់គល់ស្លឹកគ្រៃ ស្លឹកក្រូចសើច ម្ទេស បន្ទាប់មកដាក់សាច់មាន់ រួចបង់គ្រឿងចូល​ ស្ក​សរ ទឹកត្រី ទឹកស៊ីអ៊ីវ ប្រេងខ្យង។ ឆាប្រហែល 10 នាទី ដល់ស្ងួតទឹកទើបដាក់សណ្តែកដី ស្លឹកម្រះព្រៅ និងគល់ខ្ទឹម។ ឆាប្រឡប់អោយសព្វរហូតដល់ស្លឹកម្រះព្រៅស្លោកបន្តិចរួចដាក់ខ្ទះចុះទុកជាការស្រេច៕